BMW zvanično demantovao da priprema model manji od X1

U posljednje vrijeme smo slušali glasine o tome da u BMW-u navodno rade na novom crossoveru koji bi se u ponudi smjestio ispod modela X1 i koji bi navodno mogao da nosi oznaku Urban Cross, odnosno Serija 1 Sport Cross. Od toga međutim neće biti ništa.

Naime, BMW je objavio da je riječ o neistinitim glasinama i da sigurno ne radi na novom ulaznom crossoveru. Ako ništa drugo takav model navodno ne bi imao smisla s obzirom da bi bio direktna konkurencija Miniju.

S druge strane, sljedeće godine na tržište stiže “coupe verzija” modela X1, a riječ je u osnovi o manjem bratu modela X6 i X4 koji će nositi oznaku X2 pa će sa njima djeliti osnove dizajna.

Na kraju tu je i potvrda da sljedeću generaciju modela X3 možemo očekivati tokom 2018.

Izvor: autonet.hr